III MARCHA BTT CONCELLO DE
CUALEDRO
2018
No día de onte, domingo, o Concello de Cualedro, celebrou a
súa marcha BTT, e como non ,alí tiñamos que estar. O equipo ó completo desprazouse ata o Concello veciño.
Estiveron: O veterano ,Manuel Montero cos seus 70 anos ,aínda
segue dando pedal coma un chaval, os Juniors, Xosé e José Manuel na que ía ser a súa primeira marcha, Gabri e o
seu irmán, Javi, Mingos , Vallejo e Pepe, é dicir que había verderóns por todos
os lados. Era un día moi especial para dous compañeiros do Club ,xa que estaban
de cumpleanos:”Vallejo” e “Jose Manuel”
Parabéns..
A mañá presentábase fresca pero xa sabiamos que cando
pasaran uns kilómetros aquilo ía cambiar, as 9:30 o sr Alcalde despois dun breve discurso deu o
pistoletazo de saída. Dicir que había personal de protección civil e cruz vermella
por todos os lados, impresionante organización. Bravo.
O percorrido consistía de dúas distancias: unha corta de 35
kms e outra longa de 55 ,cada un optou pola que máis lle conviña . A cousa quedou empatada 5 para a corta, e
outros cinco para a longa.
Antes do primeiro avituallamento chegou o primeiro e único contratempo
da mañá, xa que o Junior Jose Manuel
nunha baixada foiselle a bici e foi o chan, uns pequenos rasguños no cóbado, un
pouco de auga milagreira e para diante, …
A ruta longa chegaba case á raia, pasando pola Xironda , un
pobo que no seu tempo debeu ser importante xa que é un dos máis grandes da
contorna ,iso si, como ocorre no resto
do rural sen case poboación. Ao fondo divísase o Lorouco , unha montaña máxica onde as haxa,so
mirar o que había que subir xa che daban
gañas de dar volta ,pero aquilo xa non tiña marcha atrás ,e entre conversa e conversa e algunha parrafada con algún que outro biker da ruta os kms foron pasando,.
A xente dos pobos mostraba ledicia de ver pasar os Bikers , non
deixaban de aplaudir, algún incluso nos invitaba á súa casa, a probar o viño novo.. así da gusto…..
O reloxo marcaba as
13:30, o astro rei estaba no seu máximo esplendor,e os derradeiros Bikers do BttNocelo chegaron a meta , a organización xa nos tiña
preparadas unhas cervexas ben frías que baixaron polas nosas gorxas coma
se fora a primeira vez que tal cousa bebiamos.
So quedaba despedirnos ata próxima ruta que será o vindeiro
domingo no Carballiño
Vémonos no monte…..
Cronica: Nocelojar
Album de Fotos
No hay comentarios:
Publicar un comentario